الأربعاء، 3 يوليو 2013

حوليات# نُص الكوباية
























نُص الكوباية


شايف فى نُص الكوباية الفاضى

واحد قاضى

وبصوت هادى

يحكم للغلبان .. بالعدل والإحسان

 فيروَّح بيتهم سعيد راضى


شايف فى نُص الكوباية المليان

واحد غرقان

بينادى

ع القاضى

إللى فى نُص الكوباية الفاضى

يهاتى ..  صوته مش مسموع .. عادى

الميّه مبتوصَّلش حِس .. من وادى لوادى

ذنبه فى رقبة إللى شافه بيغرق 
وسابه ينادى 

وإللى شاف

قاعد يتفرّج

ويهرّج

وياكل بالعسل

لُقمة القاضى !!

هناك 8 تعليقات:

  1. صباح الخير ..
    مستوى الشعر عندك عالى اوى
    دائماً فى ابداع ..

    تحياتى :)

    ردحذف
  2. صباح النور والتفاؤل ^_^

    بجد أنا بعرف أكتب ؟ دى شوية خواطر بحاول أخليها موزونة . شكراً لتشجيعك المستمر لكلماتى المتواضعة :)

    ردحذف
  3. جميل يا فدوى رؤية شعرية حلوة تسلم الايادى :)

    ردحذف
    الردود
    1. تسلميلى يارب ^_^ شفتى يوم غزل البنات ويوم لقمة القاضى عشان مبقاش حارمة حد من حاجة أهو :D

      حذف
  4. سؤال : ليه الحاجات الحلوة حصلت في النص الفاضي و الحاجات الوحشة في النص المليان ؟!

    ردحذف
    الردود
    1. سؤال جميل يا دكتور :)

      عادة بيقولوا إن المتفائل هو إللى بيبص لنُص الكوباية المليان والعكس بالنسبة للمتشائم زى ما كلنا عارفين . فأنا حبيت أعكس المعنى عشان أجذب الإنتباه .. دى نقطة والحاجة التانية عشان أبيّن إن المظاهر خدّاعة " وعسى أن تكرهوا شيئاً وهو خير لكم " . فممكن إللى نشوفه مليان يطلع فى الحقيقة وهم وفاضى . الأغرب إن فيه ناس مش بتعترف - أساساً - إن فيه كوباية موجودة قصادهم :D

      حذف
    2. خيال جميل جدا :)

      تنويه: يا ريت بلاش كلمة "دكتور" بأكرها .. أصلا دخلتي كلية الطب غلطة وندمان عليها ..

      حذف
    3. ربنا يخليك على تشجيعك والله
      وحاضر مش هنقول " دكتور " تانى :)
      ربنا يوفقك ويفتح لك أبواب الخير كلها يارب ^_^

      حذف